婚禮租車需知 - van 及旅遊車

租用20座以上中型巴士作為婚禮車隊, 印象中也只是近幾年才流行的事租這類車好處當然就係 "一車搞掂晒", 但記得以前有些新人或家屬覺得唔夠大體不過近年經營旅遊巴士的公司可能都意識到這門生意的需要, 加上需要提升接待遊客車輛質素。所以呢幾年都有唔少 "見得下人" 的中型巴士參與婚禮服務由於這類中型巴士的車身與坊間16座公共小巴相似, 故似也會稱為VAN 仔

這類中型巴士的牌子不外乎兩個 : 三菱 和 豐田, 當中豐田會較大多數但座位數目選擇可能大家一睇到就暈.......20, 23, 24, 25, 28, 29 (咁多?? 真架!)

的確係有咁多, 但現時市場普遍有的, 分別是23, 24, 28, 29, 當中有乜分別?其實只不過係唔同牌子新舊款車而已20, 24座位會係年份稍高的車, 車身較短, 稱為短陣23, 28, 29 會係車齡較新的車, 而車身較長, 故稱為長陣 ;

豐田的是28座位

29座位的是三菱


那麼23座是甚麼車?? 其實28 / 29 座位 (或較舊的24座) 車廂係2+2排位, 座椅較窄 ; 而23座位車廂係1+2排位, 座椅較闊, 但市場上較少供應, 同埋通常車租會稍貴

租這類VAN 的車租計法與新娘車大致相同, 只是需要問清楚是用那個座位數的車款但計算乘搭人數要注意以下幾點:

1. 新人多將婚禮物資用VAN 順便載運, 據我過往經驗, 最少都要用兩排座椅擺放, 即係要將載客數減 4 人;另外, 通常司機會有座椅套予那兩排擺放物資的座椅, 可以請他 / 她先套上椅套以保護座椅, 再擺放物資
2. 如果用車是 "豐田", 將會有一個 "倒頭位" 位於車頭, 這座椅原意是給導遊安坐的。婚禮用車如非必要, 這個位還是不要坐人好了, 始終 "倒頭車" 唔舒服。故此, 載客數得再減 1 人不過, 通常兄弟 + 姊妹 再加埋CAMERA MAN 都唔會坐爆, 除非超大規模兄弟姊妹團啦
3. 車身裝飾方面, 近年流行那種用鐵線綁於門把手的飾物, 在VAN 上是難以使用的, 因為都不會有這樣的位置。故此佈置裝飾只能用BLUE TEC 或普通透明膠紙 "打圈" 式貼於上身上。但切勿用雙面膠紙, 因為雙面服紙很容易破壞 VAN 的油漆面

******************************************************************************

司機利是方面, 可以說是隨心但也實不相瞞, 他們普遍視為該項工作收入一部份, 因為收入實在很微薄 建議 (for both 新娘車 & van 司機) 可以封$50 或是 $100 , 當係俾大家高興時, 也鼓勵司機提供更好的服務吧!