小瑜兒，多謝妳的細心，你畫的這朵花送媽媽，媽媽朵花送俾媽媽的媽媽, 我們也愛我心中最可愛的小愛花～LOVE U
今日同小瑜買完校服11點幾，再到尖沙咀蘇醫生度，睇睇錶， 12點，小瑜lunch time wor, 咁當然要醫左肚先，(其實係小瑜爸爸媽媽肚餓), 小瑜當然又係個句：我唔想食，咁就俾個睇企鵝的目標俾佢，果然可以40分鐘內食完！
就係咁，我地可以去太空館睇呢個小瑜想睇好耐，一直等自己夠3歲先可以入場的皇帝企鵝 (=^^=)
還記得小時候入天象廳係無劃位，原來而家已經轉左！全都劃晒位，真好，因為而家仍然好多遊客唔打算排隊 (>﹏<) 但我地都係提早半小時買飛。位置比較前，小瑜見到個半圓screen 同座位邊的nicam button覺得好奇好玩，好攪笑
不久電影開始了，小瑜見到皇帝企鵝的相知相愛到誕下小企鵝蛋都看得津津有味，開心地笑著。
看到企鵝媽媽為了餵養小企鵝要留下企鵝爸爸哺蛋，孤身出海覓食，小瑜會說：『企鵝媽媽同pabi mami 一樣，要出去賺錢買mum mum 俾bb 企鵝食』聽到小瑜懂性的說話真的好安慰！
見到小企鵝破殼而出時更開心地說：「企鵝bb 出世啦！媽媽你睇企鵝bb出世啦。好得意呀！」
但轉眼轉到企鵝爸爸要出去覓食，影片說到企鵝主要天敵之一的海豹獵殺了一群企鵝爸爸中的一隻時，小瑜難過得流下淚來，還不斷說好驚，想離開不再看，最後要媽媽抱住才看下半場影片
看到小瑜的大愛，她愛每個人每條小生命，不希望有人受傷，希望她這愛心繼續成長。愛人如己
在圖書館找到李如青的繪本，無字天書但道出親子的愛，正如書背所寫：
不管包袱有多沉重
不管未來有多漫長
看到孩子喜悅的面容
縱然只是一個夢
親愛的孩子呀
我願意
因為
因為我愛你
細膩，感動，好適合母親節跟小朋友一同閱讀！
小瑜邊看邊有好搞笑的問題：
點解佢係爸爸抱起飛？
好似媽媽爬得快過爸爸喎！ 點解佢得爸爸同佢爬？
作為媽媽的我忍不住咀角泛起得意洋洋的笑容，因為我是個不一樣的媽媽Y(^o^)Y
最後問小瑜兒要像故事主人翁般去摘月亮嗎？
小瑜兒擰一擰頭
忍不住問她為什麼不想要月亮？
小瑜兒：因為唔想爸爸咁辛苦
(書中父母為小女孩撘起長長的搖搖板，把全屋所有的東西都拿到搖搖板旁，為的是要支撐搖搖板另一旁的小女孩去摘月亮！)
聽到小瑜兒那麼為人設想，真的好感動，希望我們有能力帶你去摘星採月，將來你也是個充滿愛的女孩，我們不要求你的回報，因愛是無條件，如你也想像書中小女孩，在長大後編織帶父母同往夢想的熱氣球，我是滿有安慰，也為妳的能力鼓掌！
昨晚就收工先岩岩收到佢報喜痾左poo poo 的電話，點知未夠半個鐘婆婆話佢唔係好妥，有低燒37.8°
起初想俾佢食退燒就算，諗諗下前一晚有兩聲咳，雖然無鼻水，但跟住2日假，都係去睇醫生安全d
睇完醫生接返個女，見到佢面好紅呆滯地攬住工人姐姐，好肉赤，自己抱返小瑜，問佢係咪好辛苦，你好熱呀，媽咪好擔心。。。
佢俾個好抱歉的眼神同我講，sorry 媽媽，我唔會再病，我要好返，唔好驚驚。。。。
真係心痛多幾分
個下好想喊，同小瑜講：你都唔想病，唔使同媽媽講sorry, 有咩唔舒服要同我地講
有個咁窩心的囡囡真係好sweet, 希望小瑜快d 好返
一直跟小瑜說我好怕行雷，清明前後都是下雨天，昨晚下雨時跟小瑜躺在床上，小瑜兒一聽到打雷就馬上過來抱著我的脖子，起初我還以為她害怕，誰知她甜甜的對我說：『媽咪不用怕，我會保護你』
昨晚晚飯後, 跟小瑜兒來個親子畫畫時間~ 問問小瑜兒想畫什麼, 她二話不說就大叫： 我要畫LADYBUG!!還跑去窗台抱來她的小甲蟲氣球!
小瑜兒總在不知不覺間氹到我暈左
昨晚因為遲了上床，今早有位小朋友雖然餓醒了，但又不願起床
瑜(懶洋洋地) : 媽咪我想飲奶奶
Za : 咁你起身飲啦
瑜 : 媽咪，你抱得我好舒服，我想你抱住我飲呀
...... 媽媽唔回應
瑜：好啦，媽咪，Colbie好想你抱住飲呀，嗲~~
Za : 好啦。。。(∩_∩)
結果又遲了10分鐘出門門，要半跑去車站(>﹏<)
