新娘
1. 婚紗鞋
2. 球鞋
3. 防晒+
4. 護手霜+
5. 潤唇膏+
6. 止汗劑+
7. mask +
8. 安平
9. 內衣+NRU BRA+GIRDLE
10. 打底褲
11. make up remover+洗面毛巾+橡皮筋+髮夾
12. 絲襪+棉襪
新郎
1. 白恤衫 (如攝影公司冇包的話)
2. 白色底衫
3. 白襪及黑襪各一對
4. 白鞋及黑鞋各一對
5. 鬚刨
6. NDS/PSP+MP3+數碼相機(消閒用)
其他
1. 乾糧+飲管+水
2. 花球＋頭花＋襟花
3. 眼藥水 (反而呢樣我有用到，影左成日對眼真係出紅筋，有需要時滴左真係好D)
4. 訂單
5. 小道具(如：訂婚介指)
6. 心水造型照 - 已 saved／hardcopy 相辦或造型照 (方面跟攝影師表達自己鐘意 style)
7. 飲管
8. 蚊怕水+止痕藥膏
選衫篇 :-
Q. 選衫SYSTEM只可以選20件衫，但如果我想選多過20件，怎麼辦?
A. 可以搵張白紙寫低的
Q. 男仔幾時選衫架?
A. (園景)拍攝當日女仔化妝既時間就係男仔選衫既時間，因為女仔化妝一般都要1-2小 時，係呢段時間為免男仔等得太耐，所以通常安排個段時間試衫。 (LA MER) 會係同女仔選衫個日一起選埋
Q. 婚紗我應該選擇閃的或是選有層次的效果會比較好呢?
A. 我相信好多女仔包括我見到閃閃令既婚紗真係愛不釋手，現場感一流，不過事實上拍出來只會白色一片，大家可以看看佢地網上選衫系統就知道，看不出件婚紗既特別。如果是拍攝的話，我建議選擇一些層次比較多、有顏色(例如有條銀色絲帶)或是心口有好明顯既圖案拍出來效果會係最好。
Q. 試衫時要準備什麼?
A. 有GIRDLE的可以帶埋去試，沒有的都唔緊要就咁去試就OK的了。長髮女仔可以的話帶橡筋/髮夾方便試衫。
Q. 試衫駛唔駛帶婚妙鞋同著咩衫好?
A. 唔洗, 有個箱仔比你企高，CASUAL WEAR 可以了(開胸衫最好), 輕便D, 換衫方便D 。
REMARK: <多謝leockk07提供以下資料>
1. 每一件衫個姐姐會幫你影低, 但影出黎既效果同你著出黎可能有差距, 所以試衫時自己睇清楚, 唔好ONLY靠睇相。
2. 唔好比你搞到好趕咁, 要睇清楚件衫先去換。
3. 揀完衫, 第日諗清楚想轉款是可以的, 但唔會比你睇當日既相再揀, 正常佢會DELETE晒, 如果要重試就要比多$500 拍攝準備篇 :
Q. 拍攝園景要準備什麼物品呢?
A.
1. 打底褲，其實普通短褲OK的了，因為好多時拍攝需要你坐底丫或訓係度以防走光。(我曾經見過有人WEAR牛仔褲=.=)
2. 花球，頭花，男襟花 (如果你沒有經ML同FB買就要自己帶)
3. GIRDLE
4. 男仔恤衫(如果你沒有經ML同FB買就要自己帶)
5. 乾粉撲x2,濕粉撲x2,假眼婕毛 (如果你沒有經ML同FB買就要自己帶)
6. 眼鏡(男)(無鏡片)
7. 波鞋/舒適鞋(女)(拍攝用)
8. 高跟鞋(女)(基本上唔需要帶，除了選擇了短婚紗或想拍幾個高跟鞋既相)
9. 黑皮鞋(男) / 白波鞋(男)
10. 黑白襪(男)
11. 結婚公仔(個人需要)
12. 帶蚊怕水/貼 & 防曬 (冬天唔需要^^)
Q. 拍LA MER 出海額外要帶的物品
A. 1. 拖鞋(男女)
2. 毛巾 (FOR 拍攝完海灘濕水要用)
3. 內衣褲(出海時有可能需要用，如果弄濕了都有得換)
4. 牛仔褲(男)
5. 雨傘
Q. 選擇什麼花球拍攝出來比較好?
A. 我第一次係MONA LISA拍攝婚照時，SALES姐姐說 : 花球要選用淺色 / 粉色的會比較好。事實上我同過幾位JM傾過，曾經看過一個用全紅既花球拍出黎真係太SHARP，拍出來會不太好看。
拍攝當日準備事項 :-
Q. 拍攝當日應該穿著什麼衫才方便?
A. 拍攝當日女仔強烈建議穿著開胸衫會較為方便。我曾經試過先化妝後換衫/ 又試過先換衫後化妝 / 亦都試過化了一半妝換完衫再化。所以穿開胸衫可以以防整亂已經SET好的頭及化妝。
Q. 要食飽才去嗎? 我怕肚腩會露出來不好看喔。
A. 記得...一定一定要吃飽才去，因為基本上你沒有時候食野，化妝用上1-2小時，加上會穿GIRDLE，正式拍攝時什麼肚腩都唔會有了。有充足既體力先可以足夠應付一天的拍攝過程。 拍LA MER的JM，在中午時可以請FB/ML叫外賣食。
Q. 可以帶"想SET既頭"的SAMPLE相給化妝師看嗎?
A. 當然可以啦，其實係化妝既時間，化妝姐姐會給你一本SET頭SAMPLE相簿給你選擇，想點SET個頭記得不妨同你化妝姐姐講，好像我曾經要求王冠，各位姐姐都會幫我SET做到我要的要求。請記得如果SET了一個你不喜歡的頭..一定要出聲喔!!!
Q. 有D景我好想拍丫，同埋我唔想咁STANDARD丫!
A. 我建議大家係拍攝前先看看其他曾經拍攝過既JM的相，了解清楚什麼景你想拍攝。係拍攝當日，攝影師會先同你溝通想點拍或是想拍什麼景多，那你就可以提出你的要求並拍攝你喜歡的照片。
Q. 如果有JOIN MV的情況會係點呢?
A. 其實個CAM MAN只會係你拍攝時在旁邊拍攝，不用刻意對住鏡頭，當佢唔存在就可以架啦，自然D。 最緊要，可以的話，多做一點小動作，例如整估下對方丫咁，拍出黎先會生動D，不會沈悶。
選相篇 :-
Q. COATING是不是一定要做架?
A. 其實COATING的作用是防水防變黃，不過係FB/ML做COATING是很貴的，很多JM都會選擇拿出去做。(個人意見 : 我覺得其實可以唔洗做，曾經有JM放了5年幾都一樣冇事，何況你會拿本相簿出黎曬或是拿去游水?不如用做COATING既$買多幾張相，那將來要做多少本相簿都可以啦^^)
Q. 揀相時有咩心得呢?
A. 首先佢地係會分開唔同既景一批批咁比你選，之後到女單人相及男單人相。最緊要選自己喜歡既相，當然做到每個景都有一張就最好。叫多幾個家人/朋友一起去看，因為好多時自己看同人地看係唔同，聽多幾個人既意見。( 同一個景, 先選合照, 差不多的就選順眼的。)
Q. 相簿入面做對相係咪另加錢呢?一般唔使加錢的standard相簿係咪每頁都係得大幅相呢?
A. 如果你選擇了放"對相"入相簿，佢地會自動幫你放係左右的，不用操心排版問題。 一般唔使加錢的standard相簿係一頁一版相的，SALES姐姐會建議你選擇全部直身相，那會比較好看。如果你有選擇打橫的相，有兩個選擇 : 1. 照幫你打直放不過會上下都會有好大既白邊。2. 打橫放橫相不過會安排放係相簿最後個幾版。
Q. 是不是可以借相版架? A. 是喔! 當你選好相之後，你可以要求借相版，最多可以借10張(唔一定有10張，要看你買多少定)。 $500/張 按金，還相時會比番錢你。不過有一樣請注意喔 : 因為佢地是需要相版工作，所以你遲一天還相，就會遲一天收相，所以要盡快交還。
其他篇 :-
Q. 那個攝影師比較好?
A. FB出名的有DICKY/FRANKIE，其他JOE/阿豪都有JM讚賞的
A. ML出名的有阿B/JASON/ANSON
Q. 那個化妝師比較好?
A. FB出名的有LING，BONNY都有JM讚賞的
A. ML出名的有LILIAN
Q. 我可以指定攝影師/化妝師嗎?
A. 指定攝影師/化妝師 是需要$500。如果唔想比$，可以叫SALES盡量安排比你，不過唔一定比到你，這點請留意。
