影台灣婚紗公司(香港取景)join婚紗相package需留意的事項場景:需留意如有幾個場景的公司(如:現X經典,芝X,X國婚紗)個package係咪可以去晒所有場景,抑或要加錢設施:有d公司有遊艇,但唔係所有package都有咖
外景:
1. 外拍有無限拍攝時間
2. 有無侷限地點/路線
3. 使唔使自己租車,租車錢係咪included
4. 拍外景後會唔會返studio再拍, studio有無限拍攝時間
5. 如超時,租車,造型師/化妝師,攝影師,攝影師助手點收費
6. 外景係咪有造型師/化妝師同行?係男定女?(要問咖,有公司將攝影師助手當埋造型師,點幫手換衫啊!)
6.1. 如無提供造型師/化妝師同行,想book跟出外拍攝,收費幾多?
化妝/首飾:
1. 香港婚紗公司通常要客人自費:假眼睫毛同粉撲(聽說分別收$150同$80)
2. 台灣婚紗公司通常要客人自費:安平-即定妝essence,有滋潤,隔離霜,防溶妝同甩粉的效果 (男女都要用,約$125支,臉用2-3支,女就只係露出嚟嘅身體用,約5-7支,視情況而定.上次我們共用咗9支)
3. 以上收費都係化妝師的下欄錢,所以即使妳們自備,她都會話唔合用而勸妳用她們的貨品.不過,如果堅持唔用,她們都唔會黑面,放心.
4. 問清楚化妝幾多款,抑或只化一款,之後只補妝.
5. 如package只化一款,無得轉妝.係咪要請化妝師為妳化妝先可以轉妝?如係,收費如何
6. 係咪轉幾多件初就轉幾多個頭
7. 如短頭髮,有無得駁假髮.使唔使收錢
8. 首飾可否自己揀,定造型師/化妝師話事
9. 如首飾/假髮損毀,點賠
花球:有無提供真花/絲花球
攝影師:指定攝影師點收費
相簿:
1. 有縫定無縫相簿(如無咩美工,左右兩頁各放1幅相喺中間,用有縫相簿都無影響
2. 相簿面可否加名同日期
3. 相簿有咩特別效果
3.1. 美工有d咩
3.2. 有咩效果唔included,需額外俾錢
4. 執相會執d咩?
禮服:
(注意,女要自備nu bra/ girdle.雖然他們有賣,但始終唔及專賣店多款同舒適,如他們代買約$500-600男要訂做恤衫,通常他們都有代訂, 收費約$300女要攜帶淺色高跟鞋,通常銀色會百搭d,可襯婚紗同晚裝男要攜帶黑色皮鞋,白色同黑色祙)
1. 男有無提供白鞋,如無需自己買/代訂,收費如何?
2. 有公司(如: i dX)join package可優惠價訂girdle加恤衫加女裝鞋.可問他們有無呢d優惠/服務
3. 衫有無分等級,係咪全部可揀3a,如有分等級,全部/逐件收費如何
4. 婚紗如長拖尾,使唔使加錢
5. 係咪有埋頭紗,手套
6. 男係咪有埋腰封,bow tie, back.全部款任揀唔使加錢
7. 衫可否落水河/海(有公司唔俾,怕會縮水)
8. 所有衫會唔會收清潔費
8.1. 咩情況為衫身損毀要賠?點收費
8.2. 揀衫後,但未fitting,可否轉衫?有幾多次轉衫機會
9. 幾時要fitting, fitting幾多次
10. 加衫點收費(見妳加衫可能會送多d相)
合約:
1. 於星期六,日或公眾假期拍攝會否額外收費
2. payment點俾?俾deposit後幾時付尾數,碌咭有無手續費
2.1. 簽臨時合約後,需幾耐時間內影相
2.2. 簽臨時合約後,使唔使再番公司簽正式合約
2.3. 定左影相日期之後可否再改, 預早幾多通知? 要否收費?
3. 合約可否轉讓,如取消合約,會全數無晒定收手續費
4. 影相後外租禮服係咪有優惠? 優惠可keep幾耐
5. 介紹朋友影相,他可否攞相同優惠
6. 影相後,有部份公司可能送全家幅拍攝服務
7. 用酒樓/酒店送的coupon,升級點計
8. 如幫襯外地婚紗公司,問清楚相簿同酒畫可否送返本地分店自取;或待他們再到香港擺展銷時幫妳帶到香港.因為可慳郵費$500-700
9. 傾耐d,優惠可能會多d.
9.1. 香港公司可問吓送多d相/多套衫/upgrade相簿/upgrade油畫.
9.2. 台灣公司通常送媽媽本/掌中冊,相數目同大相簿一樣,只係細張同可能無做UV Coating.
9.3. 我join時他們送簽名布,3呎X6呎海報,水晶相架,同謝咭.台灣公司送呢D禮品好normal,唔使唔好意思.
10. 問如果到時想要多d相,每張晒埋入相簿/只要加入CDR咩價錢(如要加入CDR, 需問有無執相.點解只要CDR: 有公司幫開婚紗公司做後期製作(如 photo star同photo plus)大家本相簿同油畫可能都係他們晒.他們都有得晒相簿,油畫,簽名布等服務,有得執相tim,出嚟效果一樣但價錢平咗,所以都唔少人幫襯.
10.1. 如到時加相多,通常會俾特別優惠?
10.2. 加COATING 幾多錢? 包唔包新加相的錢?
11. 影完幾耐有第一稿? 返稿要幾耐? 可否先俾已揀未執的相做邀請卡?
事前準備:
1. 如有朋友曾拍攝又保留收據,叫他們俾copy妳,會較方便攞優惠
2. 同行友人如對婚紗攝影有認識/興趣為佳
3. 如時間許可,頭單同尾單對sales十分重要,好好把握機會
4. 如傾完後可要求sales俾所有offer terms寫明在invoice上,再俾copy妳keep,講明考慮時間.咁就可以keep offer又有時間考慮(我都係咁考慮咗幾日咖,但笨在最後一口價錢無寫上去,番去簽contract時個sales就反口)
