作曲

今晚睇下小瑜兒有咩功課，唔睇仲好，一睇就暈左。。。
每星期影相功課開始習慣
今次竟然要【作曲】

暈。。。

攪到我成晚諗邊首歌易改佢又熟易教佢唱。。。。諗到2點終於攪掂！yeah

明早試下小瑜兒反應先

Morning my lovely girl

有位小妹妹為左爭取多d 同媽媽相處時間，每朝都比媽媽早起，再黎個早餐全餐
1   爬上我地張床，
2   瞓係爸爸媽媽中間，
3   打開窗簾大叫：太陽伯伯出黎啦！
4   再黎一個甜到入心的笑容

Happy Day!! 

Mickey Minnie Cake

小瑜兒愛disney,
今日行過見到呢對小蛋糕，
天氣凍帶唔到佢入樂園行就不如。。。。

帶對蛋糕返去見下小老鼠

人民幣定期可以點揀?

最近靚媽們正討論有何投資方法

發現"人仔"真係唔少人都會投資的方法

 

截至今日, 過去1年人民幣升值的波幅在1.212-1.275, 升約5%,

加上人民幣存款/定期利率比港幣的零息高太多,

香港近年又越來越有中國色彩,

 

連我呢個師奶仔都要跟下買人民幣保值

 

問左幾間公司附近的銀行:

匯豐:

一如既往, 都係超......低息, 10萬以上半年都係2.55% (pa, 下同)

渣打:

新資金10萬以上 -->  3個月2.75%!!! 反而半年得返2.5? 真係幾"趣緻" 定佢睇後市會減息??

建行 :

新資金10萬以上 -->  半年2.9%, 一年3.1%

真係好吸引, 仲要朋友仔話我知佢可以開中港戶口, 可以香港分行開國內定期,

建行姐姐話佢地個D係母公司(即係國內個間)負責, 連幾多息都唔知, 要自己上網CHECK,

但問題係..... 因為外匯管制, 每日只可以匯8萬人仔上去,但每次都要CNY180手續費, 雖然匯返香港免手續費, 但匯上去個下都已經少左0.225%,

半年整存整取3.05%, 香港半年2.9,

如果只做一次, 咁計埋D手續費, 會比香港做半年定期少0.075%

仲未計如果國策改變, 可能唔可以一次性匯錢返香港, 到時手續費可能會高, 定要自己上去螞蟻搬家?!

 

永亨

新資金 30萬以上, 半年2.95% / 10萬以上2.7%

永亨有樣好, 佢夠8萬匯上國內免手續費,而100萬以內匯回香港都係人仔70手續費, 計落OK, 但國內定期息率比建行低, 半年3.08%

 

 

 

小瑜爸好穩陣.... 連國策風險都睇埋, 如果唔睇, 我會用國內建行定期, 如果唔係就香港渣打3個月, 希望之後息口會再向上啦.... 有冇高手可以指教??

 TKS MEME 張INFO,正!

Attractiveness of Corporate governance

真係咁好睇？！

 

返到屋企見佢拎住我本秘書公會期刊睇，原來公司管治不單公司，老闆，專業人士，學生要睇，

唔通而家小朋友起跑線已要知corporate transparency, accountibility,  accuracy?  (～o～)

媽咪想你有個快樂童年, 你點解.....?!

 

你咁快睇媽媽睇開的雜誌, 咁佢媽媽咪要再進修。。。。

可愛小花籃

多謝Joyce EE今日送小瑜兒人生第一個花籃，好可愛，像是太陽一樣為我office帶來生氣 Y(^o^)Y

 

令我想佔有佢。。。。1日咁多，今晚帶返去氹下傻妹先

 

 

佢地D花又平又靚, 可以睇下www.cherrieflower.com 

童言童語 2014-02-21 山楂餅

婆婆送小瑜兒3包山楂餅

婆 : 俾一包俾你, 小朋友唔可以食太多

但見小瑜兒手快快收埋另外2包....

婆 : 你另外2包呢? 分享俾婆婆同工人姐姐嗎?

瑜 : 唔得, 呢2包俾爸B, 媽咪GA

婆 : 咁我同姐姐咪無得食LOR

瑜 : HMMM.... .咁婆婆你去攞多3包俾黎咪得囉

XD